FOTO/Çmenduria e Botërorit, nga Gjermania në Rusi me traktor

Hubert Wirth, 70 vjeç, i do dy gjëra me pasion: futboll dhe traktorin vjetër Lanz. I moshuari nga Pforzheim, Baden-Württemberg në Gjermani është i çmendur pas këtyre dy gjërave dhe ka vendosur që të shkojë drejt Rusisë për të ndjekur kombëtaren me mjetin e tij të preferuar. Ai u nis për në Moskë disa ditë para 14 qershorit, pasi ka për të përshkruar një distancë mbi 2.500 kilometra me traktorin e tij të dashur, i cili është pak i vjetër për të bërë një udhëtim kaq të gjatë.Wirth është tashmë në rrugë, fotografitë e Reuters janë bërë në Bjellorusi më 7 qershor. Lanz Bulldog 20 mund të përshkojë 160 kilometra në ditë, mesatarisht 20 kilometra në orë. Por nëse Wirth ndjenë lodhje zgjidhjen e ka mjaft të thjeshtë, pasi mund të ndalojë diku dhe të rehatohet në kabinën në formë fuçie birre që tërheq nga pas traktori i 1936-ës.Ka gjithashtu një përshëndetje për kryeqytetin rus në qelinë e madhe të birrës (Halló Moskau, ose Good Day Moscow), dhe natyrisht, disa futbollistë janë përfshirë si dekorime. Brenda, ka edhe dush dhe lidhje interneti.Ai ka marrë me vete edhe shokun e tij besnik, qenin që e shoqëron gjatë kësaj aventure të madhe me të cilin argëtohet gjatë ndalesave. Ndërsa pasi të arrijë në Moskë do të leri traktorin e tij të parkuar diku dhe shëtitja do të vazhdojë me biçikletë.