Në memorien e klubit të Skënderbeut do të mbahet mend gjatë fillimi i Botërorit të Rusisë, mbase nuk do të harrohet kurrë. Kjo pasi vendimi i publikuar nga Gjykata e Arbitrazhit të Lozanës për të mos pezulluar vendimin e UEFA-s dhe të lejonte klubin korçarë të merrte pjesë në Champions League u publikua pikërisht në orën që do të fillonte ndeshja mes Rusisë dhe Arabisë Saudite.
Sipas asaj që shihet në faqen zyrtare të KAS, vendimi është publikuar saktësisht në orën 17:00, sapo filloi edhe ndeshja. Një momenti i çuditshëm për publikimin e kësaj mase që la pa Europë klubin korçar për këtë edicion, në pritje të gjyqit që do të marr vendimin përfundimtar rreth dënimit 10-vjeçar, shkruan vipsport.
Në fakt, kjo duket si një strategji e zgjedhur për të zbutur sa më shumë impaktin mediatik ndërkombëtar, për arsye ende të pashpjeguara. Ndonëse klubi korçar priste prej kohësh daljen e këtij vendimi, publikimi i tij pikërisht në momentin kur filloi Rusi 2018, që ka marrë vëmendjen e gjithë mediave botërore, nuk duket si diçka rastësore.
