David Beckham prej kohësh është i impenjuar me projektet e tij në Miami dhe kohën më të gjatë e kalon atje, larg familjes së tij që jeton në Londrën Perëndimore. Një ditë më parë ish-futbollisti anglez bëri publik emrin dhe logon e skuadrës së futbollit që ai krijoi në MLS, Internacinale Miami do të quhet ekipi dhe president do të jetë Beckham.
Por duket se në Miami, David është duke kaluar mjaft mirë, ku larg familjes ka kohë edhe të flirtojë me ndonjë femër. Ylli i futbolli anglez ishte duke qëndruar i shtrirë në një shtrat plazhi dhe një grua e panjohur u bashkua me të. Të dy u fotografuan duke biseduar me entuziazëm. Menjëherë pas kësaj, David me sa duket i tregon diçka në telefonin celular mysafires së panjohur (ndoshta numrin e telefonit). Në këtë rast, natyrisht mediat kanë ringritur pyetjen: A është Beckham një flirtues me femra të tjera dhe si do t’i pres Victoia këto foto?
Nuk do të jetë befasi, pasi të gjithë e besojnë një gjë të tillë, teksa burri i ish-“Spice Girl” Victoria, është pikasur herë pas here në shoqërinë e femrave të çuditshme. Edhe thashethemet se ka xhelozi të madhe mes çiftit, se David e ka tradhtuar gruan e tij, vazhdojnë e vazhdojnë.
Prej 19 vitesh, Victoria (44 vjeçe) dhe David Beckham (43 vjeç) janë të martuar. Katër fëmijë e kurorëzojnë dashurinë e tyre. Por, në bazë të këtyre fotove të fundit, duket se “Beckhamët” po kërkojnë moshën e akullt, në vend të dashurisë së hekurt. Nga Anglia, me siguri Victoria nuk e pëlqen faktin se David shpenzon gjithnjë e më shumë kohë në Miami sesa në shtëpi, në Londrën perëndimore.
A është martesa e çiftit në rrezik? Edhe kjo pyetje ringihet sërish. “Të gjitha janë të pakuptimta”,–u shpreh çifti kohët e fundit nëpërmjet një zëdhënësi. “Mirror”, gjithashtu, e konfirmoi këtë: “Nuk ka divorc në horizont, asnjë ndarje. Këto janë të gjitha mesazhe të pavërteta të mediave sociale”.
