Dy anije luftarake ruse të ngarkuara me mjete ushtarake janë drejt rrugës për të mbërritur në Siri, pas sulmeve ajrore të bëra të premten nga SHBA, e cila ka goditur tre vende të dyshuara që ishin vendndodhje e armëve kimike.
Pas sulmeve ajrore të SHBA-ve, Francës dhe Britanisë ndaj regjimit sirian të Bashar al-Asadit si ndëshkim për përdorimin e armëve kimike ndaj popullsisë së pambrojtur, Rusia vazhdon të dërgojë armatime të rëndë drejt Damaskut.
Sot mediat ndërkombëtare bëjnë të ditur se një anije ruse ka kaluar në ngushticën e Bosforit dhe Dardaneleve e cila transporton tanke dhe mjete të tjera ushtarake.
Anija ruse “Orsk”, është duke ecur gjatë rrugës për të arritur në bazës detare ruse në Tartus në bregun jugor sirian.
Në rrugëtimin e saj nëpërmjet ngushticave turke për në Siri, anija ruse shoqërohej nga anije të rojës bregdetare turke. Pas kalimit të ngushticave, anija vazhdoi lundrimin në Detin Egje për të vijuar më tej drejt Sirisë.
Mbi 400 mijë persona kanë humbur jetën dhe miliona të tjerë janë larguar nga Siria që prej nisjes së luftës civile në vitin 2011. Prej asaj kohe, Putin ka bllokuar të gjitha iniciativat e ndërmarra në Këshillin e Sigurimit të OKB-së për të ndëshkuar regjimin e Asadit.
