Modelja Viktoria Lepyrova është përzgjedhur si Ambasadorja e Kupës së Botës 2018 që do të startojë më 14 qershor. Ish-miss Rusia ka dhënë mendimin e saj se kush është futbollisti më i mirë në botë. Ajo është shumë e famshme në vendin e saj, ka zgjedhur se kë konsideron njeriun më me stil në futboll.“Nëse flasim për lojtarin që më pëlqen mua më së shumti në botë, atëherë është Lionel Mesi. Natyrisht se gjithmonë është garë mes Mesit dhe Ronaldos. Por, unë e kam mendimin tim për këtë dhe i respektoj mendimet e tjerëve. Më pëlqen shumë Nejmar sepse ka personalitet mahnitës. Është vërtet madhështor. Por, nëse flasim për aftësitë, nëse flasim për atë se çfarë është gjeniu, atëherë ai është Mesi”, theksoi ajo.