Të dhëna shokuese kanë dalë në dritë pas humbjes së jetës së një 23-vjeçareje. Në fillim u raportua se 23-vjeçarja Evgjeni Baxho mund të kishte vdekur si pasojë e heqjes së një dhëmballe. Por në fakt, ngjarja është më e komplikuar se kaq. Ngjarja e rëndë ka ndodhur mesditën e datës 18 maj, në Tiranë, në lagjen “Ali Demi”. Ajo çfarë e mbush me më shumë mister ngjarjen është se në trupin e saj, janë gjetur dy simbole të bëra me lapostil të kuq. Në trupin e kufomës, në pjesën e barkut kishte shkrim të panjohur, i bërë me lapostil me ngjyrë të kuqe nga kërthiza deri në pjesën e ezofagut. Po ashtu gjatë autopsisë në pjesën e shpinës së kufomës janë vërë re tre shkrime të tjera të panjohura, të bëra po ashtu me lapostil të kuq.
Prindërit s’i takonte prej 13 vitesh
Baxho ishte rritur në Delvinë, ku jetonte me gjyshërit. Prindërit e saj ishin të divorcuar dhe nuk e kishin takuar prej 13 vitesh.
Nga ana tjetër, daja i saj ka hequr dyshimet se 23-vjeçarja ishte pjesë e ndonjë grupi fetar. Ai është shprehur se Baxho nuk ishte besimtare, nuk kishte shkuar në kishë apo xhami, kështu që nuk dinte asgjë për shkrimet e gjetura në trupin e saj.
Kuptimi i tatuazheve
Nga zbërthimi ka rezultuar se tatuazhi në barkun e viktimës është një bashkim i simboleve rune. Kuptimi i tyre është:
Tiwaz – shigjeta që nënkupton nder, drejtësi dhe autoritet
Odal – romb që nënkupton shtëpi, pasuri e trashëguar
Algiz – pamje sfurku do nënkupton mbrojtje dhe shëndet
Mjekësia ligjore, ende pa një rezultat
Mjekësia ligjore ende nuk dalë me një rezultat, për shkakun e vdekjes së të resë. E reja është gjetur e pajetë nga pronarja e shtëpisë ku dhe jetonte me qira prej kohësh në Tiranë. Pak ditë para se të ndërronte jetë, Baxho ishte infektuar me Covid-19.
