Adriana Lima ka sfiluar për herë të fundit si Engjëll i Victoria Secret. Ky moment ka qenë mjaft i ndjeshëm për modelen, e cila u shfaq me duart në zemër dhe me sytë e përlotur.
Edhe pas 19 vitesh, ajo ka magjepsur sërish fansat e saj me puplat seksi të ‘Engjëllit’ të Victoria Secret, duke njoftuar edhe lamtumirën nga shtëpia më e famshme e veshjeve.
Sfilata e saj është pritur me shumë duartrokitje. Lima ka postuar edhe një video të disa prej momenteve të karrierës së saj si Engjëll i VS, me linjën e të brendshmeve.
Braziliania me sytë blu magjeps dhe me format seksi shkruan:
“E dashur Victoria, faleminderit që më tregove botën, duke shpërndarë sekretet e tua dhe më e rëndësishmja jo vetëm duke më dhënë krahë, por duke më mësuar si të fluturoj. E gjithë dashuria shkon për fansat më të mirë në botë”, shkruan ajo.
