Jo vetëm fëmijët, por edhe pasagjerët mbi 18-vjeç ndodh që të kryejnë veprime nga më të çuditshmet teksa udhëtojnë me avion. Ka nga ata të cilët i kap paniku dhe tentojnë të hapin derën e avionit, apo nga ata që mbyllen në tualet deri sa të përfundojë udhëtimi.
Por një rast po kaq i çmendur ka ndodhur me një pasagjer, i cili mendonte se kishte gjetur zgjidhjen ideale të tharjes së çorapeve të tij. E dini se çfarë ka bërë? Një pasagjer ka përdorur dritaren që kishte në krah, për të tharë çorapet.
Fotoja e çorapeve të varura të burrit u postua nga dikush që ishte ulur shumë pranë tij, në një llogari të quajtur ‘Passenger Shaming’ në Instagram.
Kjo llogari ka një milionë ndjekës.
Fotografia e cila ka marrë më shumë se 5.000 pëlqime dhe 160 komente, shoqërohej edhe me një përshkrim ironizues.
“Unë duke larë rrobat rrugës për L.A këtë fundjavë!”.
Shumë komentues kanë komentuar negativisht, duke e cilësuar si një sjellje aspak të hijshme.
“Pse dikush do të pranonte të bënte diçka kaq injorante?”. “Derr i pështirë”, thuhej ndër komentet e ndryshme.
