Një 16-vjeçar është dhunuar nga civilët në protestën e zhvilluar pasditën e djeshme nga qytetarët shqiptarë për vrasjen e Klodian Rashës, 25-vjeçarit që u qëllua me armë zjarri nga efektivi i Policisë së Shtetit.
I riu, përmes një mesazhi të dërguar në JOQ ai është shprehur se: “Jam 16 vjec dhe shikoni si më kanë bërë dje shqiponjat pa uniformë më kanë marrë zvarrë deri te furgoni shqiponjave duke më rrahur gjithë rrugës me grushta 6 veta gjithsej pa uniformë policie dhe nuk jam i vetmi i mitur që është dhunuar dje në protestë”.
Në këtë protestë të tretë, protestuesit kërkojnë largimin e drejtorit të Policisë së Shtetit, Ardi Veliu, edhe pse kryeministri Edi Rama e ka thënë shkurt dhe qartë që një gjë e tillë nuk do të ndodhë, duke shtuar se akti i dorëheqjes së ministrit Lleshaj nuk duhet marrë si dobësi e Shtetit.
