Rëndohet bilanci i viktimave nga tërmeti shkatërrimtar në Izmir të Turqisë.
Deri më tani, raportohen 62 viktima, ndërsa mbi 900 të tjerë janë plagosur.
Mediat turke kanë publikuar pamje nga lart të qytetit të Izmirit, dy ditë pas tërmetit tragjik të së premtes.
Nga pamjet duken qartë dëmet e shkaktuara dhe grupet e kërkim-shpëtimit që vijojnë të punojnë mbi rrënoja, ndërsa ka momente që ngjasojnë edhe me atë që përjetuan qytetarët shqiptarë në Durrës dhe Thumanë 26 nëntorin e 2019.
Tërmeti i fuqishëm që goditi të premten e 30 tetorit Detin Egje midis bregdetit turk dhe ishullit grek të Samos, kishte një magnitudë 6.6 të shkallës të Rihterit.
