Një ngjarje aspak e hijshme ka ndodhur gjatë një dasme, ku dhëndri është arrestuar pasi ngacmoi seksualisht një kamariere. Matthew Aimers, 31 vjeç u mor nga salla e dasmës me pranga nga policia, pasi ai ngacmoi një kamariere gjatë festës së dasmës së tij në një klub në Filadelfia.
Mësohet se gjatë gostisë, dhëndri ‘gjuajti’ kamarieren adoleshente, duke i kërkuar asaj të dalin bashkë. Adoleshentja i tha policisë se 31-vjeçari i kishte ofruar 100 dollarë, duke shtuar se ajo mund të bënte çfarë të donte me të dhe i ka kërkuar që ta puthte.
“Kjo më tronditi”, ka rrëfyer adoleshentja, e cila shtoi se e kishte refuzuar atë. Por, sipas saj, dhëndri e ka ndjekur vajzën në banjon e femrave duke e shtyrë me forcë dhe ka filluar ta prekte.
Madje, një punonjës deklaroi se dhëndri e kishte goditur atë pasi i kishte kërkuar që të mos nxirrte alkool jashtë sallës. Kur policia mbërriti, dhëndri tentoi të përleshej me ta, duke rezistuar me forcë.
Avokati i Aimers i mohon të gjitha akuzat. Nuk dihet ende nëse nusja do të qëndrojë me të pasi dita më e bukur iu kthye në fakt në ditën më të keqe të jetës./Përshtati Tirana Today
