Një ngjarje e rëndë ka ndodhur në fshatin Çiflig të Lushnjes, ku ka ndërruar jetë një 24-vjeçare dhe dy të tjerë janë plagosur.
Anëtarët e një familjeje kanë qenë duke udhëtuat drejt Beratit, kur një trajler i ngarkuar me mermer ka rrëshqitur dhe për pasojë një nga pllakat e mermerit ka rënë mbi automjet.
Fatkeqësisht nga aksidenti ka ndërruar jetë 24-vjeçarja Erinolda Isufaj, ndërsa dy personat e tjerë janë plagosur rëndë.
Siç duket në fotot e mëposhtme, makina është shtypur e gjitha, ndërsa personat që udhëtonin në mjet janë nxjerrë me ndihmën e policisë dhe të zjarrfikëses.
Njoftimi i policisë:
Në datën 11.11.2017, rreth orës 12.45, në autostradë, në fshatin Çiflig, Lushnje, nga një mjet tip kamion me targë AA 667 MP me drejtues shtetasin B.P, 41 vjeç, banues në Fushë Krujë, që transporton gur mermeri, ka rënë një gur i madh dhe ka zënë poshtë një mjet autoveturë tip “Pezho” me targë AA 862 SF që drejtohej nga shtetasi M.I, 29 vjeç, banues në Tiranë i cili po merr mjekim në Spitalin Rajonal Lushnje.
Brenda autoveturës ndodheshin edhe 3 persona nga të cilët ka ndërruar jetë shtetasja E.I, 24 vjeçe. Ndërsa shtetasit Sh.I, 52 vjeç dhe V.I, 50 vjeçe nuk kanë pësuar dëmtime, të katërt banues në Tiranë.
Është shoqëruar në Komisariatin e Policisë Lushnje drejtuesi i mjetit tip kamion shtetasi B.P dhe po kryen veprimet proceduriale. Po kryen veprimet nga grupi hetimor për zbardhjen e kësaj ngjarje.
