Sot u bë e ditur vdekja e një prej të plagosurve në grabitjen e pikës së këmbimi valutor në Fier, 54-vjeçari nuk mundi ti mbijetoi plagëve të marr dhe ka ndërruar jetë në Spitalin e Traumës. Edhe pse ndodhej rastësisht në pikën e këmbimit valutor, Agur Vernozi ndërhyri për të ndihmuar pronarin e pikës së këmbimit valutor në Fier, ku mori një goditje me armë zjarri në kokë.
Pas lajmit të hidhur, familja Vernuzi ka njoftuar edhe për ceremoninë mortore, 54-vjeçari ishte babai i katër fëmijëve.
Agur Vernozi ndodhej në reaminacionin e Traumës në Tiranë, ne gjendje kritike, pasi i ishte nënshtruar një ndërhyrje kirurgjikale.
Mjekët konstatuan dëmtime të mëdha të strukturës kockore dhe të trurit pasi u plagos me armë zjarri, pasi ai ndërhyri për t’i ofruar ndihmë pronarit të Exchange.
Pas grabitjes policia arriti te kapte tre autoret; Zini Fyraj, Lulëzim Demiraj dhe Dashamir Gergali. Ata pasi hynë ne piken e këmbimit valutor qëlluan me armë zjarri dhe lëne te plagosur pronarin, Gëzim Hoxha, 64 vjeç dhe Agur Vrenozin, i cili për fat te keq humbi jetën.
