Publikohen fotot kur 26-vjeçari, Santiago Malko, ishte akoma efektiv policie dhe mbante veshur uniformën përkatëse.
“BalkanWeb” ka siguruar fotografinë e kohës kur Santiago Malko mbante veshur uniformën e forcave ‘Shqiponja’.
Kujtojmë se edhe bashkëshortja e tij, Dea Ricku, ishte pjesë e këtij reparti. Malko u ekzekutua mbrëmjen e 27 gushtit me breshëri në zonën e Xhamllikut, ndërsa ende 48 orë pas vrasjes, policia nuk ka asnjë të ndaluar.
Konflikti për pazaret e drogës është një nga pistat e mundshme, ku dhe është përqendruar hetimi.
Ndërkohë, është shpallur në kërkim policor si autor i dyshuar një 40-vjeçar me iniciale D.A, me precedent të mëparshëm penal, në fushën e armëmbajtjes dhe narkotikëve në Shqipëri dhe në Itali.
