Këngëtarja irlandeze me famë botërore Sinead O’Connor ka njoftuar se është konvertuar në Islam.Ajo ka shpërndarë një mesazh në rrjetin social Twitter. Këngëtarja u bën të ditur ndjekësve të saj e braktisur krishterizmin katolik dhe e ka pranuar Islamin.
This is to announce that I am proud to have become a Muslim. This is the natural conclusion of any intelligent theologian’s journey. All scripture study leads to Islam. Which makes all other scriptures redundant. I will be given (another) new name. It will be Shuhada’
— Shuhada’ Davitt (@MagdaDavitt77) October 19, 2018
“Ndjehem krenare që jam bërë muslimane. Ky është rezultat i natyrshëm i çdo udhëtimi të teologut inteligjent. Studimi i të gjitha shkrimeve të shenjta të çojnë në Islam. Islami i bën të gjitha shkrimet e tjera të tepërta”, ka shkruar ajo.
Këngëtarja 51 vjeçare ka theksuar se tashmë do të marrë një emër të ri. Ajo do përdorë emrin “Shuhada Davitt”. Ajo gjithashtu shpërndau një foto të saj me hixhab.
Ajo në vend të fotografisë së profilit ka përdorur një fotografi ku shkruan slogani i kompanisë së veshmbathjeve sportive amerikane “Just Do It” (Vetëm bëje) mbi të cilin shkruan edhe “Wear Hijab” (Vesh hixhab).
Ndërsa tërhoqi vëmendje postimi i një fotografie të saj me hixhab me komentin “Happy” (E lumtur). Këngëtarja e famshme gjithashtu shpërndau fjalët e profetit Musa duke u përmendur në Suren Bekare të Kur’an-it, “All-llahut i mbështetem të më ruaj e të mos bëhem nga injorantët”.
Davitt gjithashtu shpërndau një video ku këndon ezanin në stilin e vet. Sinead O’Connor në vitet 1990-ta kishte pranuar katolicizmin dhe ndryshoi emrin në Magda Davitt./TIRANA TODAY/
