Sektori i ndërtimeve pa leje, duket se po përjeton ditët më të arta. Për fat të keq, persona të veshur me pushtet, në mënyrë të papërgjegjshme po zaptojnë tokat sipas dëshirës.
Një rast i tillë është evidentuar në Vorë, ku ish-kryetari i Bashkisë po ndërton një pallat, që rrezikon të shkatërrojë rrugën e të shembë Bashkinë.
Një qytetar që denoncon në redaksinë e JOQ ALBANIA, bën me dije se një gropë e madhe është hapur për ndërtimin e një pallati, por që po rrezikon shembjen e rrugës dhe dy ndërtesave të tjera. Një nga ndërtesat që rrezikon të shembet është Bashkia e Vorës.
Në denoncim thuhet:
“Janë shembur pilotat e nje pallati qe po ndertohej ne Bashkine Vore, dhe si pasoje jane shembur trotuaret dhe rruga, dhe rrezikojnë të shemben dy godina. Njëra nga godinat është Bashkia e Vorës. Pallati që po ndërtohet është i ish-kryetarit të Bashkisë”.
