Një ngjarje e rëndë ka ndodhur në Texas, ku një cigare elektronike ka rezultuar fatale për një të ri, duke i marrë jetën atij.
William Brown ndërroi jetë në spital më 29 janar, vetëm pak javë pasi mbushi 25 vjeç. Në certifikatën e vdekjes thuhet se i riu vdiq nga një infarkt cerebral pas mbeturinave të cigares elektronike që shpërtheu duke dëmtuar arterien e tij të majtë.
Ngjarja ndodhi në parkingun e një dyqani që shet mjete të ndryshme për duhanpirësit. Sipas menaxherit të dyqanit, Brown kishte shkuar aty për të kërkuar ndihmë për cigaren e tij, por nuk kishte blerë asgjë. Sipas tij, në dyqan nuk shitet ajo markë e cigares elektronike që shkaktoi vdekjen e të riut.
Ai u dërgua në spital, ku ra në gjendje kome ndërsa rrezet treguan se një pjesë e cigares elektronike kishte mbetur në fytin e të riut pas shpërthimit.
