Në vitin 2013 një foto u bë virale në rrjetet sociale, ku e reja e diagnostikuar nga një tumor i rrallë kërkonte ndihmë nga njerëzit për ta mposhtur kancerin.
Bëhet fjalë për Ambra Meda, e cila mundi sëmundje e rëndë dhe sot është në gjendje të mirë shëndetësore. Shumë shqiptarë i erdhën në ndihmë në atë kohë vajzës së re. Një ndër familjet që e mbështeti ishte edhe ajo e boksierit shqiptar Gjetan Ketës. Ata e mirëpritën në shtëpinë e tyre dhe mbuluan një pjesë të mirë të shpenzimeve.
Mesa duket Ambra ka ruajtur kontaktet me familjen Keta. Ajo ka qenë e pranishme në ndeshjen që boksieri Gjetan Keta mundi boshnjakun Sladan Janjanin duke u shpallu kampion bote. Para pak orësh Ambra ka bërë dy postime ku ka shprehur emocionet për njerëzit që e ndihmuan dikur.
“Vijnë momente në jetë kur lutesh dhe përlotesh njëkohësisht. Erdha të përkrah ata që dikur dhanë shpirtin që unë të buzëqeshja sërish. Dua t’ju shoh gjithmonë kështu me fitore të tilla që të ngrejnë zemrën peshë dhe të bëjnë të kuptosh se FAMILJA ËSHTË GJITHÇKA!”- shkruan ajo në postimin e parë në Instagram ku shihet përkrah Gjetanit.
“Ndërsa ky postim shkon për atë, që e shihja të shqetësuar në çdo moment teksa i jepte zemër Gjetan Ketës. Për atë, që më mësoi se në jetë duhet të bësh gjithçka që të buron nga shpirti për të qenë një kampion i mirë brenda teje. Faleminderit që më mësove të mos dorëzohem dhe sot të jem më e fortë se kurrë! Përtej fitores së ndeshjes, ju keni fituar zemrat tona. Urime!”- vazhdon më tej bukuroshja Meda në dedikimin për djalin tjetër të familjes Keta, Ismailin.
