Policia greke ka goditur një grup të strukturuar kriminal që rekrutonte gra moldave për prostitucion.
Sipas mediave fqinje, një shqiptar bashkë me bashkëshorten e tij kishin ngritur një “zyrë rekrutimi” për gratë që kishin sjellë nga Moldavia përgjatë pesë viteve të fundit. Mes tyre ishin edhe dy të mitura, të moshës 16-vjeçare.
Gratë qëndronin në banesën e tij dhe detyroheshin që të kryenin 40-50 marrëdhënie seksuale në ditë. Synimi i tyre ishte që të bënin një xhiro që do të kapte 100.000 euro në tre muaj.
Me paratë e përfituara nga prostitucioni, çifti shqiptar i shpenzoi në shtëpi, lojëra fati, hotele në Milos, pasuri të paluajtshme në Athinë dhe automjete luksoze.
