Një 63-vjeçar nga Kina u arrestua nga autoritetet policore, pas 17 vitesh në arrati. Song Jiang, i cili u gjet i fshehur në një shpellë, u arratis në vitin 2002 nga burgu. Ai u dënua për trafikimin e grave dhe fëmijëve.
Policia e Yongshan kishte marrë sinjalizime për vendndodhjen e Song në fillim të këtij muaji, raporton BBC. Mirëpo, pavarësisht kërkimeve, vendndodhja e tij nuk u arrit të lokalizohej. Për këtë arsye, autoritetet vendosën që të përdornin dronin.
Në momentin kur arritën në provincën Yunnan, policia dalloi një llamarinë blu që ndodhej në hyrje të shpellës, por edhe mbeturina jashtë saj. Teksa shkuan të kontrollonin, ata gjetën Song brenda shpellës, ku prej 17 vitesh i fshihej drejtësisë.
63-vjeçari përdorte shishe plastike për të marrë ujë nga lumi që ndodhej pranë, si dhe përdorte pemët që kishte rreth e rrotull për të bërë zjarr.
