Një aksident i rëndë ka ndodhur para pak minutash në “Rrugën e Durrësit”, në kryeqytet. Siç duket në fotot e siguruara nga Tirana Today, automjeti ka përfunduar i përmbysur në trotuar, në hyrje të një biznesi.
Sipas të dhënave të para, drejtuesi i automjetit ka tentuar të shmangë përplasjen fatale me një motor, duke rrezikuar një nënë me një fëmijë, ndërsa më pas ka humbur kontrollin e mjetit dhe duke përfunduar përmbys.
Fatmirësisht, nuk ka persona të lënduar rëndë, ndërsa policia ka shkuar në vendin e ngjarjes dhe ka nisur hetimet për zbardhjen e rrethanave.
