Një aksident i shumëfishtë është regjistruar mëngjesin e sotëm në Angli, në të cilin u përfshinë 30 automjete.
Sipas mediave britanike, ngjarja ka ndodhur në qytetin verior Maine, ndërsa nuk raportohet të ketë pasur lëndime të rënda në njerëz.
Shkak i aksidentit mësohet të jetë bërë dielli i fortë i mëngjesit, i cili ka penguar shikimin e drejtuesve të mjeteve, duke sjellë një aksident zinxhir.
Një ngjarje e tillë është regjistruar edhe në vitin 2015 në këtë zonë, ku në aksident u përfshinë më shumë se 100 automjete. Më shumë se 30 persona në atë kohë mbetën të plagosur.
