Lewis Hamilton e akuzoi Max Verstappen si shumë “agresiv” pasi piloti i Red Bullit mbylli garën kur të dy u përplasën në fillim të Grand Prix-it Britanik. Si Verstappen dhe Hamilton dhanë shumë në duelin e tyre në kthesat e para të Grand Prix-it të Britanisë, para se Hamilton të nxirrte jashtë gare holandezin dhe në fund të shpallej fitues. Hamilton u ndëshkua me 10 sekonda penalitet por kjo nuk e ndaloi që dy xhiro nga fundi të triumfojë.
Hamilton festoi normalisht triumfin në fund të garës, si gjithmonë, dhe ky fakt nuk e ka lënë indiferent Verstappenin, i cili la një koment në Twitter:
“I gëzuar që jam mirë. Shumë i zhgënjyer që u nxorra jashtë loje ashtu. Penalltia e vendosur nuk na ndihmon ne dhe nuk i jep drejtësi manovrës së rrezikshme që Leëis bëri në pistë. Të shikosh festimet ndërsa je akoma në spital është mosrespektuese dhe josportive, por le të vazhdojmë përpara.”
23 vjeçari madje reshti së ndjekuri Hamiltonin në Instagram.
Britaniku nga ana tjetër deklaroi se do ta festonte fitoren sepse ishte mëse e merituar dhe se përsa i përket përplasjes me Verstapennin ai “i lau” gabimet pasi u penalizua me 10 sekonda.
