Shqipëria dhe Kosova do të përballen pas pak në miqësoren e cila do të zhvillohet në Zvicër. Panucci dhe Challandes kanë publikuar formacionet zyrtare ku shohim mjaft emra të rinj. Si kuqezinjtë, ashtu edhe skuadra e Bernarde Challandes, kanë si synim të përgatiten sa më mirë për ndeshjet e Nations League, që do të startojnë në muajin shtator.
Cristian Panucci do të hedhë nga minuta e parë sulmuesin shkodran të Kukësit, Sindrit Guri, i cili debuton kështu zyrtarisht me kuqezinjtë, ndërsa Kosova i beson në qendër të mbrojtjes mbrojtësit të ardhur nga U-21, Isamajli.
Shqipëria: Berisha; Gjimshiti, Veseli, Hysaj, Lika; Ndoji, Ramadani, Qaka; Roshi, Guri, Cikalleshi
Kosova: Ujkani; Rrahmani, Ismajli, Aliti, Vojvoda; Shala, Halimi; Avdiaj, Rashica, Zeneli; Muriqi
