Vetëm pas pak orësh do të startojë derbi i kryeqytetit mes Partizanit dhe Tiranës. Një ndeshje që mbush stadiumin dhe të dy ekipet janë me të njëjtin qëllim: “Derbi fitohet, nuk luhet”. Trajneri Skënder Gega pritet të ketë një surprizë për bardheblutë në këtë sfidë dhe ajo quhet Alban Hoxha. Pak orë fillimit të derbit, mësohet se gardiani 31-vjeçar, i arrestuar gjatë kësaj jave për drejtim mjeti në gjendje të dehur, do të jetë titullar.
Në konferencën për shtyp, trajneri Gega deklaroi se Alban Hoxha, si një ndëshkim për atë sjellje, nuk do të luante në këtë derbi, por tashmë gjithçka bie poshtë. Ndoshta, edhe një manovër kjo e “demave”, për të çorientuar sado pak kundërshtarin bardheblu.
Ja dhe formacioni i mundshëm, që me shumë mundësi do të rreshtohet sot në “Selman Stërmasi”: Hoxha; Ibrahimi, Atanda, Belica, Trashi; Telushi, Hila, Asani; Mala, Bardhi, Mensah.
