Shqipëria do të përballet me Izraelin në sfidën e tretë të vlefshme për Ligën e Kombeve, ku tashmë janë publikuar edhe formacionet zyrtare. Kuqezinjtë e luajnë këtë sfidë në transfertë, e cila do të jetë mjaft e vështirë duke parë edhe paraqitjen që kanë bërë izraelitët pak ditë më parë ku mposhtën Skocinë 2-1.
Skuadra e drejtuar nga Christian Panucci ka një fitore ndaj izraelitëve në shtëpi dhe dëshiron të fitojë edhe në udhëtim për të synuar kreun e grupit. Në anën tjetër, edhe Izraeli ka një fitore dhe një humbje, por synimi është gjithashtu i njëjtë, fitore për kreun e grupit.
Panucci në këtë sfidë ka vendosur të hedhë në fushë nga minuta e parë Uzunin, i cili dha sinjale mjaft të mira përballë Jordanisë, e cila ishte dhe ndeshja e tij e parë me kombëtaren. Ndërsa rreshtimi në fushë pritet që të jetë me tre mbrojtës, ku Hysaj do të bëjë rolin e qendërmbrojtësit, krah Mavrajt dhe Gjimshitit.
Izrael: Harush; Dasa, Tibi, Yeini, Tawatha; Peretz, Kayal, Natcho, Ben Harush; Hemed, Dabbur
Shqipëria: Strakosha; Hysaj, Gjimshiti, Mavraj, Binaku; Xhaka, Basha, Memushaj; Uzuni, Balaj, Grezda.
