Arrestohet nipi i Arben Ndokës për plagosje dhe kanosje. Gjatë ditës së sotme, forcat RENEA kanë arrestuar shtetasin Danjan Ndoka, 20 vjeç, lindur dhe banues në Lezhë. Ajo që e beri më të famshëm është dita e zgjedhjeve të 25 qershorit datë në të cilën Ndoka kanosi dhe dhunoi shtetasin F. D përpara lokal “Detarit”, në qytetin e Shëngjinit.
Njoftimi për median u bë në një konferencë për shtyp e dhënë nga Drejtori i Drejtorisë Vendore të Policisë Lezhë, Drejtues Bledar Çeliku
Në momentin e ndalimit nga forcat policore, shtetasit Danjan Ndoka, ju gjet dhe sekuestrua një pistoletë e markës SMITH ËESSON me 6 fishekë.
https://www.facebook.com/tiranatodaycom/videos/365398077238269/
Për ketë shtetas , Gjykata e Rrethit Gjyqësor Shkodër ka caktuar masën e sigurisë ” Arrest me burg” për veprat penale “Vrasje me dashje kryer në bashkëpunim mbetur në tentative”,”Plagosje e rëndë me dashje”,”Armëmbajtje pa leje”.
Ndoka më datë 16.09.2014, në afërsi të Katedrales së qytetit të Lezhës , në bashkëpunim me persona të tjerë ka tentuar të vrasë shtetasin F.N.
Gjithashtu , ky shtetas është i dyshuar edhe për ngjarjen e datës 22.05.2017, ku pas një konflikti për motive të dobëta me një shtetas ka qëlluar me arme zjarri në drejtim të gomave të mjetit tip fuoristrade Range Rover, me drejtues shtetasin B.L.
