INSTAT ka publikuar raportin “Indeksi i Harmonizuar i Çmimeve të Konsumit” për muajin korrik 2017.
Ajo që vihet re në këtë raport është se Shqipëria ka një ritëm të lartë të rritjes së çmimeve, e treta në Evropë pas Lituanisë dhe Estonisë.
Kështu, rritja e Indeksit të Harmonizuar të Çmimeve të Konsumit vetëm në muajin Korrik 2017 është 3,0 %.
Grupi “ushqime dhe pije joalkoolike” ka pësuar rritjen më të madhe të çmimeve, përkatësisht me 6.9%.
Ky grup pasohet me “mallra dhe shërbime të ndryshme” ku rritja e çmimeve është me 3,4 %, “qira, ujë, lëndë djegëse dhe energji” me 1,8 %, “argëtim dhe kulturë” me 0,9 %, “pije alkoolike dhe duhan” me 0,8 %, etj.
Grupet “mobilie shtëpie dhe mirëmbajtje” si dhe “veshje dhe këpucë” kanë pësuar ulje të çmimeve, përkatësisht me 1,9 % dhe 1,7 %.
Në muajin Korrik 2017, ndryshimi mujor i i Indeksit të Harmonizuar të Çmimeve të Konsumit është -0,7 %.
