Tottenham Hotspur është fituesi i derbit të Londrës, falë golit të shënuar nga bomberi, Harry Kane. Të dyja skuadrat e nisin sfidën me shumë kujdes dhe loja nuk kishte ritëm të lartë, pasi nuk donin të rrezikonin të pësonin gol. Koreani Heung-Min Son pati rastin e parë por që nuk u tregua i saktë përballë Peter Cech.
Në fundin e pjesës së parë ishin “topçinjtë” që kishin një rast të mirë për të shënuar, por goditja e Hector Bellerin ishte e pasaktë. Me porta të paprekura u mbyll pjesa e parë.
Pjesa e dytë nis mjaft mirë për vendasit të cilët gjejnë shumë shpejt golin e avantazhit. Ben Davies harkoi bukur në zonë, ndërsa Harry Kane u shkëput mbi Laurent Koscienlyn për të shënuar golin e parë të sfidës.. Tottenhemi vazhdoi dominimin edhe pas golit të shënuar ku rast të mirë kishte përsëri Harry Kane por pa sukses.
Arsenal përpiqet të reagojë, ku Jack Wilshere kishte rast për ta barazuar rezultatin në minutën e 68-të por Hugo Lloris bën mrekulli dhe ia mohon golin. Në fundin e takimit ishte francezi Lacazette që kishte një rast mjaft të mirë për të barazuar, por nuk finalizon me sukses dhe fitorja u takon vendasve të Tottenham.
Pas kësaj fitore Tottenham merr vendin e tretë në tabelë me 52 pikë të grumbulluara, ndërsa Arsenli mbetet në të gjashtën me 45 pikë. Në javën e ardhshme Spurs përballen me Crystal Palace, ndërkohë Arsenalin e pret gjigantët e Manchester Cityt.
