Mijëra emigrantë kanë marë lejet nga vendet ku ata jetojnë e punojnë, për të kaluar disa ditë pushimi pranë familjarëve të tyre në atdhe. Sikundër çdo vit, numri i vizitorëve është në rritje.
Këtë vit, Porti i Durrësit është përballur me një fluks të jashtëzakonshëm pasagjerësh dhe mjetesh, që po hyjnë në vendin tonë.
Në orët e para të ditës kanë mbërritur 5 tragete, me rreth 5 mijë pasagjerë e 925 makina.
Në mbrëmje pritet një tjetër fluks, pasi do të ankorohen edhe 2 tragete të tjerë, me rreth 3 mijë persona dhe 600 makina.
Burime të Kapitenerisë së Portit Detar, bëjnë me dije se janë marrë të gjitha masat, për të përballuar këtë fluks dhe për të krijuar lehtësira në hyrjen e qytetarëve.
