Aktori i njohur i ‘Portokalli’-së, Florjan Binaj, një nga aktorët më të dashur për publikun shqiptar, mësohet se është infektuar me koronavirus. Gjatë ditëve të fundit, aktori Binaj ka qenë duke bërë rafting në Përmet, Glikotë dhe Vjosë, dhe një opsion është që ai mund të jetë infektuar aty me COVID-19.
Pas raportimit të këtij rasti, e gjithë trupa e aktorëve të ‘Portokallisë’ dhe punonjësve i janë nënshtruar testit, përgjigjet e të cilave pritet të dalin nesër, raporton “Faxweb.al”. Po kështu mësohet se rasti i tij është përfshirë në përditësimin e ditës së sotme nga Ministria e Shëndetësisë, e cila konfirmoi 66 raste të reja me COVID gjatë 24 orëve të fundit.
Florjan Binaj, falë roleve të shumta në ‘Portokalli’, ka arritur që të marrë vemendjen e të gjithëve.
