Tashmë ka startuar edicioni veror i spektaklit të humorit “Portokalli”, i titulluar “Verë dhe Portokalle”. Trupa e aktorëve çdo javë udhëton drejt një qyteti të ndryshëm, për të dhuruar shfaqje për publikun. Pjesë e kastit nuk do të jetë aktori mjaft i dashur për publikun, Florian Binaj, i cili me anë të një statusi ka argumentuar mungesën e tij.
“Të dashur miq dhe mikesha fansa! Për arsye personale dhe profesionale nuk do jem në turneun e “Portokallisë” nëpër qytete. Suksese të gjithë kolegeve dhe kolegëve. “Portokallia” është gjëja më e bukur që ndodh në çdo qytet këtë verë”, ka shkruar ai.
Pas këtij statusi, Binaj ka shuar aludimet për një largim të mundshëm.
