Zyrtari i EULEX-it, Bengt Persson është personi i parë që i ka dhënë ndihmën Fadil Vokrrit pas sulmit që pati në një nga qendrat e fitnesit në Prishtinë. Ai qëlloi rastësisht në qendrën e fitnesit kur kishte parë se Vokrrit i ishte vështirësuar gjendja.
Por lajmin për vdekjen e Vokrrit e ka kuptuar vetëm nga mediat pasi e kanë pyetur se si ja dha ndihmën.
“Ai ka ndërruar jetë!? Jam shumë i mërzitur që po e dëgjoj këtë lajm. Ishte pa ndjenja kur unë ndërhyra. Fillova ta ndihmoj dhe më pas nisi të marr frymë. Pasi u duk se po i përmirësohej gjendja, unë e lash në duart e stafit mjekësor të cilët e transportuan në spital. Sinqerisht, më vjen shumë keq. Ndihem i trishtuar”, ka thënë Persson për Indeksonline.
Shumë njerëz të sportit, politikanë por jo vetëm kanë reaguar pas vdekjes së Vokkrit duke e quajtur një lajm të triushtueshëm.
Trupi i Vokrrit është dërguar për autopsi në Institutin e Mjekësisë Ligjore.
