E intervistuar nga gazeta franceze “L’Equipe”, Wanda Nara flet me 360 gradë për marrëdhënien saj rreth Mauro Icardit.
“Nëse një ditë ai do te më kërkoi të heq dorë nga të qenit një agjente, do ta bëja atë” – shprehet Wanda, në një kohë kur tek Interi nuk e duan shumë, gruan, dhe njëherazi edhe agjente të sulmuesit. Wanda tregon historinë e saj me Icardin, që nga fillimi e deri në ditët e sotme: “Unë isha 26 vjeçe kur u divorcova, ndodhesha në Siçili dhe dy fëmijët e mi ishin ende shumë të vegjël. Ne përfunduam së bashku pa e kuptuar këtë, megjithëse ai ishte gjashtë vjet më i ri se unë dhe dukej si një lidhje e pamundur. Ai menjëherë më tha se nuk donte të luante me mua, por dëshironte një marrëdhënie serioze”.
Për rolin e saj të dyfishtë si grua, dhe njëkohësisht agjente e lojtarit, Wanda shprehet: “Ai shpesh më pyet për vendimet e tij dhe pastaj më thotë: ‘vazhdo bëje ti’. Si gruaja e Mauros, nuk kam ndonjë interes, për të fituar para në shpatullat e tij, ndryshe nga të tjerët. Është gjëja më e lehtë për të bërë, të gjitha aktivitetet e mia janë në përputhje me rolin e agjentes”.
