Kreu i PAA-së, Agron Duka, ka folur lidhur me bisedën e zhvilluar me ish-kryeministrin, Fatos Nano.
Duka tha se Nano, të cilin e quan mikun e tij të vjetër, i ka treguar avantazhet dhe disavantazhet e bojkotimit të zgjedhjeve.
“Jemi takuar dje me ish-kryeministrin Nano, mikun tim të vjetër dhe sigurisht që kemi folur edhe për situatën politike. Nuk mund të shmangej kjo temë. Më pyeti se çfarë do bëja, çfarë qëndrimi do të mbaja, çfarë avantazhesh dhe çfarë disavatazhesh ka për qëndrimin tim”, tregon Duka për “Panorama”.
Përsa i përket pyetjes nëse Nano i kishte kërkuar të hynte në zgjedhje, Duka tha: “Në asnjë moment nuk mund të më thoshte të mos hyja në zgjedhje”.
