Dalin detaje të reja ë dritë sa i përket skemës së mashtrimit, që përdornin 6 punonjëset e fondit ‘Besa’.
Bashkëjetuesi i sekseres Orkida Driza, Ervis Doko, u shpreh për mediat se ai dhe partnerja e tij, kanë qenë thjesht viktima të kësaj skeme mashtrimi.
Sipas tij, ishte një person me emrin Dritan që u ka thënë që të sjellin sa më shumë njerëz, dhe në këtë mënyrë ata do të shpërbleheshin me 30-40 mijë lekë, shumë kjo që sipas tij nuk do t’u kërkohej më.
“Jo nuk e dija se ishte skemë mashtrues, unë kisha një vit që e dija kët punë, por jo se ishte mashtrim. Unë nuk kam hedhur firmë. Na kanë quajtur sekser, bashkëjetuesja vuan dënimin në burg unë dua të drejtën time ndaj erdha këtu.
Kemi përfituar 200 mijë lekë të vjetra për person. Kemi çuar 100 veta +- te Fondi, të afërmit tonë, ata që njihnim. Kanë marrë 3-6 milion e gjysmë, nga 300-400 mijë lekë. I merrte personi dhe kanë shkuar te Fondi “Besa”. Kjo ka ndodhur brenda vitit. Kam përfituar 20 mijë lekë të vjetra për taksi dhe bashkëjetuesja ime. Nuk kisha lidhje direkte me Drejtoreshën. Më kontaktoi Dritani. Tha sillni kë të keni të afërm se brenda vitit mbyllen. Sekser edhe ai. Ka pasur shumë si puna ime. Unë nuk kisha lidhje. Personi Dritani më tha ça të keni të afërm sillini se është pa probleme shuma që merrni nuk paguhet se është drejt mbylljes. Dritani ishte ai që merrte lekët dhe i çonte tek drejtoresha”, u shpreh bashkëjetuesi i sekseres.
