Flamurtari dhe Teuta kanë ndarë nga një pikë në përballjen mes tyre në Vlorë. Të dy ekipet vinin nga një ecuri e mirë dhe u treguan mjaft të kujdesshme. Duro kishte preferuar që në këtë sfidë ta linte pushim golashënuesin e ekipit, Busic por në minutat e fundit ishte i detyruar ta aktivizonte pasi kërkonte me çdo kusht fitoren. Me këtë barazim Flamurtari ka humbur vendin e dytë dhe tashmë qëndron në të tretin një pikë më pak se Kukësi, i cili fitoi në përballjen me Laçin. Ndërsa durrsakët parakalojnë përkohësisht Partizanin, pasi këta të fundit kanë një ndeshje më pak dhe barazojnë Laçin me 15 pikë.
Ndeshja e sotme nisi me ritme të ulëta ku të dyja ekipet në pjesën e parë luajtën të tërhequra dhe më shumë ishin të interesuara për të mos pësuar. Të dy ekipet hidhen në sulm në pjesën e dytë pasi një fitore në përballjen e sotme do tu bënte shumë punë duke parë ndeshjet e vështira që kanë ekipet që qëndrojnë mbi ta, apo i rivalizojnë. Duro ndryshe nga Magani në minutat e fundit hedh në fushë një formacion sulmues dhe kërkon me çdo kusht golin. Shanse të mira për shënim kishin lojtarët e Teutës me Lenën dhe Hilën, por që tregohen të pasaktë para portës. Lojtarët e Flamurtarit, pretenduan për një gol, në minutat e fundit të ndeshjes.
Një top që erdhi nga goditja e këndit, i shpëtoi nga duart portierit Kastrati, dhe topi i përplasur tek një nga futbollistët e Flamurtarit, shkon drejt portës. Por, edhe pse lojtarët e Teutës largojnë, vlonjatët pretendojnë të gjithë se topi e ka kaluar vijën fatale, dhe kërkojnë golin.
