Një flamur i madh shqiptar u vendos në anën lindore të Kalasë së Samuilit në Ohër. Flamuri shqiptar u vendos afër atij të Maqedonisë së Veriut, duke shqetësuar jo pak fqinjët tanë.
Qytetarët e kanë vënë re momentin kur flamuri është vënë në kala nga katër persona. Mediat maqedonase shkruajnë se një nga personat që vuri flamurin ishte veshur me veshje tradicionale shqiptare.
Pas denoncimit të qytetarëve policia ka dërguar efektivët e saj në vendngjarje, të cilët vetëm pak minuta pasi u vendos flamuri, e kanë hequr.
Zëdhënësi i SPB Ohër, Stefan Dimoski, ka siguruar qytetarët se flamuri shqiptar është larguar nga kalaja, ndërsa ka garantuar se po punohet për zbardhjen e ngjarjes.
