Deputeti i Partisë Demokratike, Flamur Noka tha se ambasadorja Romana Vlahutin i shërben Kryeministrit Edi Rama. I ftuar në studion e lajmeve të Ora News, Flamur Noka deklaroi se Vlahutin merr vetëm rrogën nga BE-ja por është gjithë kohën në shërbim të Ramës.
I pyetur nga gazetarja Ilva Tare nëse ndan të njëjtin mendim për ambasadorin amerikan, Donald Lu, deputeti demokrat shpjegoi se “Donald Lu ka mbajtur të njëjtin qëndrim me Vlahutin dhe kjo s’ka si shpjegohet ndryshe“.
Noka e quajti të turpshëm procesin e zgjedhjes se anëtarëve të KLP dhe KLGJ. Ai tha se Rama mori drejtësinë
“Sot iu vu vula që drejtësia është e kapur dhe sot Shqipëria ka një oligark zyrtar, ai është Edi Rama. Ai kontrollon ekzekutivin, legjislativin, një pjesë të medias, kontrollon sot pas farsës së votimit të Prokurores dhe ditës së sotme i është vënë vula që ai është edhe kryeprokuror dhe kreu i drejtësisë. Kjo çfarë ndodhi sot është një farëse e turpshme.
Zonja Vlahutin unë kam dyshim është punonjës e BE në Tiranë apo është punonjës e Tiranës zyrtare në BE. E mendoj shumë seriozisht dhe me bindje të plotë. Shumë mirë, ajo rrogën e merr nga BE, por për të shërbyer i shërben Edi Ramës. Nuk kishte si shpjegohej ndryshe, gjithë këtë kohë Shqipëria në hashash valonte dhe ajo fshihej, Shqipëria krim dhe korrupsion dhe ajo përgëzonte. Nuk ka si shpjegohet ndryshe. Në kemi punë me qeverinë. Qeveria ka shkelur kushtetutën me të dyja këmbët,” deklaroi Noka.
