Deputeti i Partisë Demokratike Flamur Noka tha pas mbledhjes së Byrosë së Kuvendit është turp ajo që ndodhi në Parlament sot. Noka shtoi se nuk e dinte se çfarë vendimi është marrë ndaj tij.
Vendimi i Byrosë nuk e di cili ishte. Di të them cili është turpi i këtij parlamenti sot, turpi i këtij Parlamenti sot është të përjashtosh një deputet pse kërkon fjalën për procedurë dhe pse insiston për një të drejtë të tij.
Ata mendojnë se nëpërmjet këtyre metodave do të shantazhojnë opozitën për t’i mbyllur gojën. Këtë që po ju them ju, ia paraqita Byrosë, tha Noka.
