Presidenca ka pasur një reagim sot, pas një fotoje të publikuar në media, ku shiheshin flamujt kombëtar të hedhur përtokë. Fotoja është shkrepur pas mitingut të PD-së në Shkodër, ndërsa Presidenca u bënte thirrje forcave politike pa dallim “që kur përdorin Flamurin Kombëtar të tregojnë respekt dhe nderim jo vetëm para mediave, por kurdoherë!”
Por, edhe pas këtij rasti, nga ana e PS-së ka pasur një kundër-reagim. Ministrja e Shtetit për Marrëdhëniet me Parlamentin, Elisa Spiropali ka ironizuar Presidentin Meta, teksa pyet se “ç’duhet të thonë shqiptarët kur e shohin që pozon para flamurin me antidekret.
“Zotërisë i paska kapur syri.net disa flamuj kombëtarë përtokë, përpara se organizatorët të pastronin vendin e mitingut dhe qenka shqetësuar për fatin e tyre! Po ç’duhet të thonë shqiptarët kur e shohin Ilirin që pozon para flamurit kombëtar me antidekretin e tij?!”, shkruan Spiropali në Twitter.
