Napoli do të vazhdojë të jetë në garë për të fituar titullin e Serie A, pas një përmbysje të çmendur në minutat e fundit. Chievo u hap shumë probleme napolitanëve edhe pse e kishin disa herë shansin të kalonin në avantazh, ku Mertens ndalet nga Sorentino nga pika e bardhë e penalltisë. Miqtë ishin në avantazh 1-0 deri në minutën e 89-të para se Milik dhe Diawara të përmbysnin gjithçka.
Pas një pjese të parë pa shumë emocione në të dytën ndodhin të gjitha. Në minutën e 73’ pas shumë rastesh të shpërdoruara nga Napoli, Stepinski gjen rrugën e rrjetës dhe i jep një goditje të rëndë ekipit të Sarrit.
Napoli ka pasur disa raste të tjera për të shënuar dhe ka arritur ta gjejë golin në minutën e 89-të me Milik, i cili ka mposhtur Sorrentinon me një goditje bukur me kokë.
Katër minuta më vonë ka ndodhur mrekullia, me vendasit që kanë realizuar golin e fitores me Diawara. Napoli është gjallë, ëndrra vazhdon. Pas kësaj fitore dramatike, Napoli ka shkuar në kuotën e 77 pikëve, katër më pak se lideri, Juventusi.
