Një fitore e mjaft të vështirë ka arritur të marrë Flamurtari mbrëmjen e sotme në Vlorë, ku përballë kishte Kmzën. Fitorja 0-1 i vlen shumë vlonjateve pasi i rendit të vetëm në vendin e tretë me 12 pikë, një më shumë se ndjekësit e Partizanit dhe katër më pak se kryesuesit momentalë të Kukësit. Kamza nga ana tjetër renditet në vendin e 6, me 9 pikë dhe ka marrë fitoren e dytë. Goli i vetëm i sfidës u shënua 10’ minuta nga fundi i takimit nga Bicaj, i cili godet mjaft mirë me kokë golin e ardhur nga goditje këndi. Ka mjaftuar një gol për të mbyllur me fitore këtë sfidë Flamurtari.
Përtej epërsisë së skuadrës së Flamurtarit, më shumë se për rastet apo për lojën, kjo ndeshje do të mbahet mend për atmosferën anti-FSHF të vënë në skenë nga vlonjatët, sikurse dhe për episodin e minutës së 65’, kur u desh të ndërpritej ndeshja. Shkak është bërë ndërprerja e energjisë elektrike në stadium, që ka zgjatur për rreth 5’ minuta, por më pas gjithçka i është rikthyer normalitetit. Kur mbeteshin më pak se 10’ minuta lojë, vendasit kanë kaluar në avantazh falë golit të realizuar nga Bicaj, i cili ka dërguar në rrjetë një top të shërbyer në krosim nga këndi.
