Real Madrid nuk ka më të ndalur, vazhdojnë të triumfojnë në kampionat dhe të mbajnë ritmin e Barcelonës kryesuese. Në përballjen me Eibar, në “Santiago Bernabeu”, kanë arritur të fitojnë 3-0, ku padyshim njeriu i ndeshjes ka qënë Assensio. I cili shënon golin e dytë por ka meritën edhe në autogolin që shënoi Eibar. Një ndeshje e kontrolluar nga djemtë e Zidane gjatë 90’ minutave dhe duke mos e diskutuar asnjëherë fitoren. Goli i tretë vjen pak minuta para përfundimit të ndeshjes dhe protagonist është Marcelo. Madrilenët mbajnë vendin e tretë me 20 pikë.
Lacio nuk e ul marshin, vazhdon ritmin e fitoreve edhe ndaj Cagliarit, duke qëndruar në 4 vendet e para, me pikë të barabarta në vendin e tretë me Juventus. Kanë shkëlqyer në fushën e lojës djemtë e Inzaghit, ku Immobile është më meritori pasi shënon dy herë. Goli i parë vjen nga pika e bardhë e penalltisë, të cilën e kishte fituar po ai, që në minutën e 7’. Ndërsa pak minuta para mbylljes së pjesës së parë tund për herë të dytë rrjetën. 4’ minuta pasi fillon pjesa e dytë është Bastos që çon rezultatin 3-0 dhe vulos fatin e këtij takimi duke i dhënë Lacios tre pikët e radhës. Portieri shqiptarë, Strakosha ka qëndruar në portë edhe në këtë ndeshe duke u konfirmuar titullarë dhe ka bërë disa pritje mjaft të rëndësishme duke e mbajtur rrjetën e paprekur.
