Kur je supersticioz, të ndodh që ti kthehesh objekteve fatsjellëse. Të paktën kështu ka ndodhur me një futbollist, i cili ndonëse fiton 30.000 euro në javë, ai luan me këpucë të grisura. Mos e besoni po deshët, por këto këpucë i sjellin shumë fat, duke garantuar që ai të shënojë gol.
Jack Grealish ishte një nga lojtarët që e bënë realitet ëndrrën e kthimit të Aston Villa në Premier League. Dhe e ka bërë këtë me këpucë të grisura sporti, pamja e të cilave nuk ka lënë indiferent askënd.
Pa e vrarë mendjen se çfarë do të shkruhej për të në media, ai luajti me një palë këpucë sporti të bardha, të markës “Nike”, që ishin të grisura.
“Kur u ktheva nga lëndimi, këpucët ishin të reja, dhe me to arrita të shënoja dy gola e të jap disa asiste”, është shprehur Jack Grealish në një intervistë për “Sky Sports”, nga fusha e blertë e “Wembley”, pasi Aston Villa kishte fituar 2-1 ndaj Derby County. – Mendova se këto ishin këpucët e mia me fat, prandaj duhej t’i mbaja ato”.
