Kandidati për postin e Presidentit të FSHF-së, Bashkim Fino, i ka bërë akuza të drejtpërdrejta presidentit në detyrë, Armand Dukës duke thënë se po tenton të manipulojë delegatët e Asamblesë, duke i ftuar për darkë në Durrës.
Në një postim në Facebook, Fino shkruan se Duka po telefonon delegatët duke i ftuar që të darkojnë tek hotel “Adriatik” në Durrës, me argumentimin se do jenë edhe dy kandidatët e tjerë për president, por që sipas tij asgjë nuk është e vërtetë. Fino sqaron se nuk ka marrë asnjë ftesë nga Duka.
“Kandidati për president, Armand Duka, ka nisur të telefonojë votuesit e Asamblesë Zgjedhore, duke i ftuar që të darkojnë tek hotel “Adriatik” në Durrës, me argumentimin se do jenë edhe dy kandidatët e tjerë për president!
Sqaroj të gjithë anëtarët, se është një gënjeshtër, pasi unë nuk kam marrë asnjë ftesë të tillë nga ana e FSHF-së apo organizatorëve. Kjo është një tjetër manovër dëshpëruese e kandidatit humbës!”, shkruan Fino në Facebook.
Postimi i plotë i Bashkim Finos
Reagim
Kandidati për president, Armand Duka, ka nisur të telefonojë votuesit e Asamblesë Zgjedhore, duke i ftuar që të darkojnë tek hotel “Adriatik” në Durrës, me argumentimin se do jenë edhe dy kandidatët e tjerë për president! Sqaroj të gjithë anëtarët, se është një gënjeshtër, pasi unë nuk kam marrë asnjë ftesë të tillë nga ana e FSHF-së apo organizatorëve. Kjo është një tjetër manovër dëshpëruese e kandidatit humbës!
