“Fondi sekret’ i ministrisë së Jashtme greke, të parët në listë ka pasur dhe ka politikanët shqiptarë”. Kjo ishte deklarata për TIRANA TODAY e një ish-funksionari të lartë të shërbimit sekret shqiptar , i cili ka pasur objektiv të punës së vet ndërhyrjet greke në Shqipëri. Duke shpjeguar se Greqia ka pasur një strategji të vjetër, të qartë dhe të vazhdueshme në politikat e saj me Shqipërinë, ai argumentoi se të hollat nga “xhepi i zi” i ministrisë së Jashtme greke, të konfirmuara botërisht edhe nga kryeministri grek, Cipras, më së pari janë gjendur dhe gjenden në xhepat e politikanëve shqiptarë.
Sipas të njëjtit burim, qysh pas ndryshimit të sistemit politik në Shqipëri, të gjithë janë të vetdijshëm për ndikimin grek në politikanë të caktuar. “Ata dhe familjet e tyre janë trajtuar shpesh me pushime luksoze në ishujt grekë me të gjitha faturat të paguara nga ky fond”, deklaroi burimi.
“Por më i dukshëm ndikimi grek është vërejtur edhe në qasjen, kohë pas kohe, të grupimeve politike të majta apo të djathta me fqinjin tonë jugor, qasje që në ndonjë rast kanë dhënë përshtypjen sikur ministria jonë e Jashtme ka qenë pjesë e ministrisë së Jashtme të Greqisë”.
Duket ky fakt shpjegon edhe përse çështja çame është sabotuar, përçarë e shtyrë për në kalendat greke, ky fakt shpjegon edhe qasjet e rrezikshme të politikës shqiptare për ligjin e detit./ TIRANA TODAY
