Në stadiumin mitik anglez “Wembley” do të zhvillohet sonte finalja e “Play-off” mes Aston Villa dhe Derby. Njëra nga dy skuadrat do të ngjitet në Premier League për sezonin e ardhshëm. Por nuk është ky fakti që e ka bërë këtë ndeshje të bëjë bujë mediatike në gjithë botën.
Kjo do të jetë finalja më e pasur në histori, plot milionë dollarë diskutohen në këtë takim (170 milionë sterlina), një shifër e çmendur, kur mendon se bëhet fjalë për një finalë të Championship (kategoria e dytë e futbolli anglez).
Por përveç se do të jetë finalja më e pasur, kjo ndeshje do të ketë edhe një përballje mjaft interesante nga stoli. Do të jenë përballë dy miq të vjetër, dy legjenda të Chelsea që kanë shkruar historinë e “Bluve të Londrës”. Nga njëri krah do të jetë është trajneri i Derby County, Frank Lampard, ndërsa në krahun tjetër është pikërisht John Terry, zëvendës/trajneri i Aston Villës.
