Sot do të luhet në Kardif finalja e shumëpritur e Champions League mes Juventus dhe Real Madrid-it.
Sipas Zinedine Zidane kjo ndeshje do të jetë shumë e mirë, ndërsa thotë se shanset e secilës skuadër janë të barabarta.
“Kemi punuar shumë gjatë gjithë vitit dhe tashmë jemi gati. Nuk ka asnjë presion këtë herë. Thonë se jemi favoritë? E kanë thënë gjithnjë, por në një finale mund të ndodhë gjithçka. Ne dhe Juventusi jemi 50 me 50 përqind. Do të jetë një ndeshje shumë e mirë dhe e hapur”, tha trajneri i Real Madrid.
