Juventus dhe Milan kanë mbërritur në “Quirinale”, ku janë pritur në formë private nga presidenti i Italisë, Sergio Mattarella në prag të finales së Kupës së Italisë. Të parët që u futën në sallë ishin Allegri dhe Buffon, teksa të pranishëm ishin edhe gjyqtarët e ndeshjes. Pak më vonë hyrë edhe delegacioni i Milan, me presidentin Yonghnong Li dhe drejtuesit e Federatës Italiane të Futbollit.
“Është një kënaqësi që po ju takoj. Ju ftoj të tregoni atë që jeni, shembulli i futbollit italian”, u shpreh Presidenti i Italisë, Sergio Mattarella. Ndërsa kapiteni i Juventusit, Gigi Buffon shtoi: Shpresojmë në një spektakël brenda dhe jashtë fushës së lojës. Ne premtojmë impenjim maksimal dhe korrektësi sportive. Nëse fiton Milan, do t’i shtrëngojmë dorën dhe urojmë të ndodhë anasjellas. Këto dy ekipe kanë qenë ajka e futbollit italian dhe do ta tregojmë në Romë.
Gjithçka është mbyllur edhe me një fjalim të shkurtër të kapitenit të Milanit, Leonardo Bonucci, i cili mes të tjerave tha: Në emër të gjithë ekipit dua të falënderoj presidentin për ftesën. Ne dhe Juventus duhet të bëjmë të mundur që kjo të jetë një festë sportive. Të shijojmë finalen dhe të dëfrejmë miliona tifozët që na ndjekin.
